"ต้มส้มปลาค้อใหญ่ใส่มดแดง"

วัตถุดิบ1. ปลาค้อใหญ่ จัก 2 โตกะพอแล้ว เดี๋ยวสิกินบ่เหมิด คัวเกร็ด หั่นให้เรียบร้อย
2. มดแดง กระประมาณบ่ถืก ตอนจับมาบ่สามารถตวงได้ มันไต่หนีหมด เป็นอันวาประมาณ กำมือใหญ่ๆนึงพู้นหล่ะ ฟ้าวกำฟ้าววางเด้อ เดี๋ยวมันกดเอา
วิธีการเอามดแดงง่ายๆ คือเอากระสอบปุ๋ยไปล้อมรังมดแดง แล้วสั่นกิ่งไม้นั้นให้มดแดงตกมาใส่ถุงปุ๋ย ครับ หากรังเท่านั้นก็ ประมาณ 2-3 รัง3. หัวสิงไค หรือ ตะไคร้ ทุบหัวแล้วหั่นเป็นท่อนๆ4. หอมเป หรือ ผักหอมหนาม หรือ ผักชีฝรั่ง มีส่วนให้กลิ่นคาวครับ
5. ใบบักหูด (ใบมะกรูด)6. ข่าเครื่องปรุง1. ปลาแดก น้ำปลา เกลือ2. พริกแห้ง3. หอมแดงหั่น4. ผงชูรส ไผบ่กินกะบ่ต้องใส่วิธีการปรุง1. ตั้งหม้อ ตำบักพริกกับเกลือ ใส่ข่า หัวสิงไคที่หั่นเป็นท่อนๆ หอมแดงหั่น ต้มน้ำให้เดือด 2. ใส่น้ำปลาแดกลงไปตามที่คิดว่ามันบ่เค็ม 3. พอน้ำเดือด ฟดบั๊วๆๆๆ เฮากะเอาเอาปลาค้อที่เฮาหั่นไว้ใส่ลงไปในหม้อ (วาตะใส่ตอนที่น้ำบ่เดือด ปลามันสิคาวนั่นหนา)4. ถ่าจักคราวพอปลาเริ่มสุก ตกฟองปลอกออก เพื่อให้น้ำใส ใส่มดแดงที่เตรียมไว้ลงไป5. ใส่หอมเป ให้หอม6. ปรุงรส ตามใจชอบ7. ยกออกจากเตา สิเห็นมดแดงลอบละล่อง พร้อมรับประทานในฐานะที่ใหญ่หนูอาวุโสสุด ให้ตักก่อนผมขอจองใส้ปลาค้อใหญ่ เด้อครับเด้อ (บ่แมนปอบเด้อ)